Omary Ramsey: Joh Makini atoa ushauri kwa rappers wanaotumia style moja

Joh Makini amesema huhakikisha kila wimbo anaoutoa unakuwa na style tofauti ili kutowachosha mashabiki.

Akizungumza katika kipindi cha 360 cha Clouds TV Ijumaa hii, Joh alisema hata msanii akiwa na mashairi mazuri vipi, anatakiwa kuzingatia jinsi ya kuwakilisha kazi yake.

“Sisi kitu ambacho tunafanya na ambacho tunaamini siku zote usiwe una-rap katika style ile ile moja since umeanza kutoka kwenye game,” alisema.

“Unaweza ukawa mwandishi mzuri sana, unaandika mashairi yanasisimua watu lakini jinsi unavyo-deliver lazima uwe na style ambayo inamvuta mtu kuendelea kukusikiliza kila siku asichoke. Kwahiyo kitu cha kwanza ambacho tunaangalia sisi kabla ya kwenda studio kurekodi wimbo, tunazingatia sana flow, flow ni kitu cha muhimu,” alisisitiza.

Wiki hii Joh Makini ameachia video ya wimbo wake ‘Don’t Bother’ aliomshirikisha rapper wa SA, AKA. Itazame hapo chini.