Ommy Dimpoz sasa ana mameneja wawili, amuongeza Abby kwenye management yake

Ni jambo la kawaida kwa msanii yeyote duniani kuwa na mameneja wengi ambao wanakuwa na majukumu tofauti, kwa lengo moja la kuhakikisha kazi za msanii husika zinafanikiwa kwa kiasi kikubwa.

Abby na Ommy Dimpoz

Ommy Dimpoz pia amechukua uamuzi wa kumuongeza mtangazaji wa Choice Fm, Abby Plaatjes kwenye management yake, ambaye sasa ataungana na meneja wake wa toka mwanzo Mubenga.

“kwenye management kumeongezeka mtu tunafanya kazi na Abby wa Choice Fm, she is my manager anasaidiana na Mubenga, unajua Mubenga ni mtu ambaye nimekuwa nae from day 1,” Ommy Dimpoz ameiambia Bongo5.

Staa huyo wa ‘Wanjera’ ambaye ameibuka na tuzo ya AFRIMMA 2015 ‘Best Newcomer’ weekend iliyopita huko Marekani, amesema kuwa Abby ataleta mchango hasa kwa soko la kimataifa kutokana na uzoefu na connection zake.

“Kwa Abby naye ana uzoefu tofauti, ana connections tofauti amekuja kusaidia kazi kikubwa zaidi tunatakiwa kumove kutoka hapa tulipo kuelekea sehemu nyingine, wenzetu wanaweza wakawa na mameneja hata kumi lakini kutokana na aina yetu ya soko jinsi lilivyo unajitahidi pale unapoweza.”

Abby amewahi kufanya kazi pia na Vanessa Mdee pamoja na Linah Sanga kama meneja.

Kutokana na kuongeza meneja kuna mambo ambayo Ommy amewaahidi mashabiki kuona utofauti kuanzia sasa.

“So far tunafanya kazi na Abby kuna mambo mengine makubwa yatakuja na watu wataona kwamba kweli sasa hivi kuna mabadiliko kuanzia kiuongozi mpaka kazi za Ommy Dimpoz, unajua tunaelekea kwenye mwaka mpya kwahiyo lazima tuje na mambo mapya.”

Ommy ameongeza kuwa miongoni mwa maboresho mengine ya kiuongozi ambayo wameyafanya kwa sasa pia wana mwanasheria rasmi atakayekuwa akihusika na mambo ya kisheria ya Ommy Dimpoz na PKP.

Kwenye safari ya Dallas, Marekani kwenye tuzo za AFRIMMA Ommy aliambatana na mameneja wake wote wawili Mubenga na Abby, pamoja na dancers wake kitu ambacho hapo awali alikuwa hafanyi, kusafiri na watu wengi kwenye shughuli zake za kimuziki.

Jiunge Nasi na Huku Pia, Kwa Kubofya