BASATA yawashauri wasanii kuwa makini na mashabiki wao

Baraza la Sanaa Taifa, BASATA limewataka wasanii kutumia vizuri mashabiki wa muziki wao ili kujenga muziki wao na sio kubomoa.

Katibu mkuu wa BASATA, Godfey Mngereza akiwa na Diamond kwenye mapokezi yake baada ya kutoka Marekani, Alhamis hii 

Akizungumza na Bongo5 jana, katibu mkuu wa BASATA, Godfrey Mngereza , alisema moja ya vitu vinavyosababisha kutoelewana na wasanii ni mashabiki.

“Kutoelewana (Diamond na Alikiba) ni kitu ambacho kinanisikitisha sana,” alisema. “Kwa sababu moja mkiwa kwenye tasnia moja mnatakiwa kuangalia jinsi ya kusonga mbele kwa tasnia pamoja na mafanikio ya mmoja mmoja. Ndio maana nikasema huu ushabiki sio mzuri sana. Inatakiwa kuwe na ushabiki wa kujenga,” aliongeza.

“Pia watambue mashabiki wao wanaweza kujenga au kubomoa. Lakini kwa sasa kitu kinachosababisha kutokea sintofahamu ni professionalism. Kwa sababu mtu anaweza akazingatia ushabiki kumbe hauendani na weledi. Kwahiyo wasanii waangalie ushabiki unaweza ukakujenga au ukakubomoa kwa njia moja au nyingine. Ndio maana tunasema ukipata sifa usilewe sana,” alisisitiza Mngereza .

Jiunge Nasi na Huku Pia, Kwa Kubofya