Ben Pol kuutumbuiza kwa mara ya kwanza “Ningefanyaje” wimbo mpya aliomshirikisha Avril kwenye KiliFest Jumamosi hii

Mashabiki wa muziki watakaohudhuria show ya KiliFest, watapata bahati ya kumshuhudia Ben Pol akitumbuiza kwa mara ya kwanza wimbo wake mpya, Ningefanye unaotoka Alhamis hii.

 

Kwenye wimbo huo uliotayarishwa na producer Mswaki, Ben Pol amewashirikisha Avril wa Kenya pamoja na msanii chipukizi, Rossie M.

Kili Festival itafanyika Jumamosi hii kwenye viwanja vya Leaders Club jijini Dar es Salaam ambapo pamoja na Ben Pol wasanii wengine akiwemo Vanessa Mdee, Weusi, Fid Q, Mapacha Watatu, Ruby, Shettah na wengine watatumbuiza.

Kupitia Instagram, Ben Pol ameandika:

“N.I.N.G.E.F.A.N.Y.A.J.E ambayo inatoka siku ya Alhamisi, 24 September 2015 itakuwa ni wimbo (RASMI) wa pili Kutoka kwa Ben Pol, ikiwa ni baada ya SOPHIA iliyotoka mwezi Januari mwaka huu. Ni miongoni mwa Nyimbo 4 zilizotumika kwenye msimu wa 3 wa Coke studio. Vesheni halisi ya wimbo huu imemshirikisha msanii AVRIL kutoka Kenya pamoja na ROSSIE M kutoka TANZANIA.” - Ben Pol

Jiunge Nasi na Huku Pia, Kwa Kubofya