Mwamuzi wa Tanzania kuchezesha AFCON U-17 2017, hii hapa orodha kamili ya waamuzi

Shirikisho la Soka barani Afrika (CAF) limetoa orodha ya waamuzi watakaochezesha Fainali za Kombe la Mataifa ya Afrika  kwa vijana chini ya umri wa miaka 17 nchini Gabon mwezi ujao.

Mwamuzi msaidizi wa Tanzania, Frank Komba ni kati ya jumla ya waamuzi 29 wa kati na pembeni walioteuliwa katika mashindano hayo yanayotarajiwa kupamba moto kati ya Mwi 14-28.

Ikumbukwe CAF) haikuteua mwamuzi hata mmoja kutoka Tanzania kwa ajili ya Fainali za Kombe la Mataifa ya Afrika kwa vijana chini ya umri wa miaka 20 nchini Zambia mwezi uliopita.

Hii ni mara ya kwanza kwa Tanzania kuwa na mwamuzi katika fainali za Afrika kwa vijana kwa miaka mitano iliyopita, jambo ambalo linaanza kuonyesha huenda kuna baadhi ya waamuzi wameanza kufuata uweledi wa kazi zao.

Hii ni habari njema kwa soka la Tanzania ambapo wadau wamekuwa wakipaza sauti zao kutaka wachezaji wa Tanzania kujituma ili kupata fursa ya kucheza nje lakini pia wamekuwa wakihoji kwa nini makocha wengi wazawa hawapati nafasi za kufundisha timu nje ya nchi hali kadhalika kwa waamuzi wa nyumbani wamekuwa hawapati mechi za kutosha za kimataifa licha ya kuwa na beji za FIFA.

Timu ya taifa ya vijana ya Tanzania ‘Serengeti Boys’ ni miongoni mwa timu ambazo zitashiriki michuano hiyo ambayo inatarajia kuanza May 14 mwaka huu.

Omaryramsey blog inampongeza Frank John Komba kwa kuteuliwa kuwa miongoni mwa waamuzi watakaochezesha michuano ya vijana Afrika na kumtakia kila la heri ili afanye vizuri na kusonga mbele.