50 Cent apiga chini ‘Party Tour’ ya Chris Brown dakika za mwisho, yadaiwa kisa hiki

Kwa sasa wasanii wamarekani wamekuwa wakichuana kwa kufanya ziara za kimuziki katika maeneo mbalimbali huku wengine wakivuka mipaka zaidi mpaka katika bara la Ulaya. Naye Chris Brown alitangaza ziara yake aliyoipa jina la ‘Party Tour’ ambapo itawakutanisha mastaa kibao.

Katika ziara hiyo Breezy ilibidi aambatane na wasanii kama 50 Cent, French Montana, Fabolous, O.T. Genasis, Kap G na Casanova.

Bad newz nikwamba Rapper wa nchini Marekani, 50 Cent amejiondoa kwenye ziara ya ChrisBrown, The Party Tour katika dakika za mwisho. Amechukua hatua hiyo baada ya kushindwa kukubaliana kwenye malipo kati ya uongozi wa 50 na promota wa ziara hiyo.

Vyanzo vimeuambia mtandao wa TMZ kuwa 50 alikuwa tayari kujiunga kwenye ziara hiyo baada ya mazungumzo ya kwanza na uongozi wa Chris ambao ulikubaliana kuhusu malipo.

Promota wa Live Nation aliamini kuwa 50 ameridhia na hivyo kumweka kwenye matangazo. Hata hivyo muda wa kusaini mkataba ulipofika 50 alikuta mpunga ulioandikwa haueleweki na hivyo kutosa, kwa mujibu wa TMZ.

Kulikuwa na mazungumzo ya kuweka sawa mambo lakini 50 aliwatolea nje wiki mbili zilizopita. Baadhi ya mashabiki sasa wamemind wakidai kuwa walinunua tiketi ili kumuona Fiddy.

 

Kupitia Instagram 50 ameandika: “I would never say my friends can’t afford me. This run wasn’t handled correctly, I’m still on set filming Den of Thieves”.

Ziara hiyo itaendelea kama kawaida leo huko Baltimore na mashabiki hawatarudishwa fedha zao kwasababu Chris atakuwepo kama kawaida.