Said Fella aanzisha makundi mapya, ‘Salam TMK’ na ‘Waswahili TikaTika’

Said Fella ameanzisha makundi mawili mapya ya muziki, ‘Salam TMK’ na ‘Waswahili TikaTika.’ kutoka Mkubwa na Wanae.

Fella ameiambia Bongo5 kuwa tayari vijana hao wameshaandaa kazi zao na zinatarajiwa kuanza kuonekana hivi karibuni.

“Licha ya kuwa na vijana 102, bendi itakuwa ni Yamoto tu, kila msanii nitakuwa namtoa kwa style yake,” amesema.

“Kuna kundi linaitwa Salam TMK hawa ni vijana kutoka Mkubwa na WanaWe, wapo wanane, hawa watakuwa wanaimba kama zamani ulivyokuwa unaona wanaimba TMK wenyewe na makundi mengine yanayofanya Bongo Flava.

Na kundi lingine ni ‘Waswahili TikaTika’ hawa wapo wawili kuna mtu anaitwa Man Doka na mwezake anaitwa Mantaliki. Hili kundi litatoka hivi karibuni hata kabla Yamoto Band hawajaondoka na hawa ‘Salam TMK’ video yao tayari tumeshafanya Zanzibar nilisafiri nao,” ameongeza Fella.

Jiunge Nasi na Huku Pia, Kwa Kubofya