Damian Soul aeleza alivyokutana na G-Nako kutengeneza wimbo ‘Tudumishe’

Damian Soul na G-Nako walirekodi wimbo wao unaofanya vizuri kwa sasa ‘Tudumishe’ bila kutarajia. 

Damian ameiambia Kikwetu Blog kuwa yeye na G-Nako walikuwa wamepanga kurekodi wimbo mwingine kabisa ambao walikuwa wameshaanza kuurekodi lakini haukuwa umemalizika.

“Wakati namsikilizisha ule wimbo, nikaruka ile beat nikaenda kwenye beat nyingine ya reggae,” amesema Damian. “Akaniuliza ‘ebana hili sweet reggae la nani, nikasema hii ni beat ya Amarido nimepewa halafu nina idea.”

Damian anasema walianza kutengeneza mawazo ya wimbo huo na muda mfupi wakahisi wangeweza kurekodi kesho yake na wimbo ulipokamilika kila mmoja hakumiani kwa jinsi ulivyopendwa na kila aliyeusikia. 

 Video ya wimbo huo ilifanyika visiwani Zanzibar na kuongozwa na Hanscana. Damian Soul na G-Nako 

watatumbuiza pamoja wimbo huu kwenye Kili Fest Jumamosi ya September 26.

Jiunge Nasi na Huku Pia, Kwa Kubofya