Baada Ya Nishike Mkono, Hii Ninyinge Inayotoka Kwa D Knob

Msanii anaemiliki Mtaani Most Wanted, D Knob ambaye hivi karibuni aliwarudisha mashabiki wake na kupata wengine wapya kupitia wimbo wa Nishike Mkono uliotambulisha ujio wake mpya amepanga kukupa kitu kingine wiki ijayo.

D Knob amesema anatarajia kuachia wimbo mpya hivi karibuni unaoitwa Mr Sahani 2 (Mr Sahani II), ukiwa ni muendelezo wa wimbo wa Mr Sahani alioutoa miaka fulani.

“Mr Sahani inatokana na jina langu halisi ambalo ni Innocent Sahani. Lakini unajua ukiwa kazini watu wanakuwa wanafahamika kwa jina la Sur Name yaani Mr Sahani. Sasa mimi nimeamua nijiite Mr Sahani kutokana na miaka mingi ya game na kuwepo na kupotea, nataka niitwe Mr Sahani kwa kuwa nataka kuwa karibu zaidi na watu wangu wanijue vizuri.”

Mr Sahani 2 imeatayarishwa na Marco Chali wa MJ Records. Na amepanga kufanya video ya wimbo huo mapema na Nick Dizzo aliyetengeneza video ya Nishike Mkono.